Larunbatean 19:00etan hasita, Orduñan bi multzotako kanporaketak jokatuko dituzte ligaxka eran. Hiru bikote izanen dira talde bakoitzean, denek denen aurka aritu behar izango dute eta multzo bakoitzeko lehenek lortuko dute Legazpiko finalaurrekoetarako txartela. Multzo batean Ainhoa Ruiz de Infante (Otxandio) eta Nora Mendizabal (Andoain), Nagore Aramendi eta Oihana Unane azpeitiarrak eta Amaia Zarrabeitia (Kortezubi) eta Irati Ugalde (Galdakao) ariko dira; bertzean Marri Unanue (Azpeitia) eta Naroa Agirre (Zestoa), Antzuolako Leire eta Nagore Galeano ahizpak eta Uharteko Garazi Lasa eta Laia Salsamendi.
Gordexolako hitzordua igandean izanen da, goizeko 11etatik aitzinera eta lehiaketa sistema bera erabiliko da. Hemen, multzo batean Naroa Elizalde zubietarra eta Arroako Araitz Eizagirre, Laukizko Enara Gaminde eta Nagore Bilbao eta Oñatiko Madalen Etxegarai eta Uxue Oses ariko dira; bertzean, Maria Granado (Hernani) eta Ainhoa Lakuntza (Aduna), Gentzane Aldai (Orozko) eta Izaskun Martin (Basauri) eta Azpeitiako Oihana Orbegozo eta Alaitz Badiola.