Kimaketa hondarrak biltzeko puntua ireki dute Sunbillan

Amets Inda, Malerrekako Mankomunitateko Hondakinen batzorde burua eta Sunbillako alkatea.

Herritarrek lorategietako hondarrak bota ditzakete.

Malerrekan inauste hondarrak biltzeko lehengo puntua martxan jarri dute. Mankomunitateak, Sunbillako Udalaren laguntzaz, kaxa bat kokatu du Karrika Nagusian, herriko sarreran. Hor herritarrek lorategietako hondarrak bota ditzakete. Kaxa barruan sartu behar dira, ongi pilatuta. Belarrak, hostoak eta adar ttikiak onartuko dituzte.

Horrez gain, Mankomunitateak kimaketa hondarrak tratatzeko bertze aukera bat eskaintzen du: bakoitzak bere lorategian konpostatzea eta lortutakoa ongarri bezala erabiltzea. Mankomunitateak konpostagailua doan ematen du, bertara joan eta eskatuz gero.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun