Udalak antolatuta, Rakugoa (Japoniako ipuin-kontaketa tradizionala) ezagutzeko aukera izanen dute Zubietan ostiralean. Azpeitiko Rakugo taldearen eskutik ipuin-kontaketaz gozatu ahal izanen dute. Maider Ibarguren, Arantzazu Maiz eta Axen Escalada rakugolariek eta Yoshida Hiromi ekoizle eta aurkezleak bideratuko dute saioa. 19:30ean dute hitzordua, herriko eskolan.
Ondotik, 23:00etan, Nafarroako iparraldeko Kurkuma rock taldearen kontzertua izanen dute Herriko Ostatuan.