«Solas asko eta asmo gutxi konponbiderako»

Calixto Estanga                                   

Eratsun I 2015ean jubilatua

Estangak hemen eta Frantzian lan egindakotik kobratzen du eta «bakarra naizenez, hilabete bukaerara iristen naiz». Halere, «etorkizuna kezkatzekoa» dela dio. «Gaurko jornaletatik ezin da pentsio asko kobratu. Ez bada iristen ezin da eman, baina beste sistemaren bat bilatu beharko lukete». Toledoko Itunarekin «gora eta behera» sumatzen ditu politikariak: «solas asko egiten dute baina gure botoa bakarrik nahi dute, gero nahi dutena egiteko. Egoera ez da erraza baina ez dute konpontzeko asmo haundirik».