Azken urteetan inauteri ofizialekin batera ospatu dituzte inauteriak urroztarrek. Aurten, ordea, bilera egin ondotik, aitzineratzea adostu dute eta otsailaren 1ean eta 2an, ortzirale eta larunbatean, ospatuko dituzte. Herritarrek mozorroa prestatzeko denbora gutti izan arren, gogoa bizi-bizi dute.
Larunbata egun haundia
Data aldatuagatik, egitaraua bere horretan mantenduko dute: ortziraleko afariarekin hasiko dute mozorro besta eta egun haundia larunbata izanen da. Haurrak herrian ibiliko dira eskean; gazteak, berriz, baserriz baserri. Musikak eta umoreak ez dute hutsik eginen.