Endikarentzat ez da lan xamurra izanen, inoiz ez baitio buruz buru irabazi Urrizari. Udan bi aldiz izan dira aurrez aurre Kutxabank txapelketan eta bietan Iruñekoa nagusitu zen, 30-24 eta 30-12. 2017an Master txapelketaren finalean izan ziren aurrez aurre eta orduan ere 24 tantotan gelditu zen Endika. Oraindik lehenago, 2015ean, Urrizak 16 eta 11 tantotan utzi zuen saldiastarra, Master eta Kutxabank txapelketetan hurrenez hurren. Beraz, buruz buruko bortz norgehiagokatik bortzak irabazi ditu Urrizak eta bolada kaxkar horri bukaera ematen saiatuko da Endika, baina ez da erraza izanen. Gaur egungo erremontelari onenaren kontra ari da eta palmares bikain baten jabea da Urriza. Eta hori ez da kasualitatea.
Urtarrilaren 17ko karteldegia Galarretan (16:00)
1. Labaka eta Zaldua; Etxarri-Garcésen kontra 35 tantora
2. Urriza Endikaren kontra, 30 tantora BURUZ BURUKO MASTER TXAPELKETAKO FINALERDIA
3. Zeberio II.a eta Larrañaga; Juanenea eta Azpirozen kontra, 40 tantora
4. Aldabe eta Agirrezabala; Goikoetxea V.a eta Zubiriren kontra, 30 tantora