Elgorriagan ere asteburuan ospatuko dituzte inauteriak

Larunbat arratsaldean mozorrotzeko gaia ‘Heroiak’ izanen dute eta gauez afaria izanen dute soziedadean, Beñat Mitxelena akordeoilariarekin

Urtarrilaren 18an, 19an eta 20an ospatuko dituzte Elgorriagako inauteriak. Ortziralean, afaria izanen dute eta gero kantuz aritzeko aukera ere izanen dute. Larunbatean, gosaldu ondotik, herrian barna ibiliko dira, etxez etxe salda beroa hartuz. Arratsaldean, heroiak izanen da mozorrotzeko gaia. Soziedadean izanen dute afaria eta ondotik, Beñat Mitxelena Arantzako akordeoilariaren musika lagun, giro ederra izanen dute. Igandean ere gosaria izanen dute eta ondotik mozorroak ibiliko dira karrikaz karrika. Zozketa eta luntxarekin eta arratsaldean jokatuko den mus txapelketarekin akituko dituzte inauteriak Elgorriagan.