Diario de Noticiasek adierazi duenez, Foruzaingoak kamioi-gidari bat geldiarazi du N-121-A errepidean, Sunbilla parean. 44 urteko murtziarra zen gidaria eta Madrileruntz zihoan gerrikorik gabe eta pneumatiko bat lehertua zuela. Gainera, drogen proban positibo eman du.
Gidariak soinua sumatu zuela onartu badu ere, aparteko garrantziarik eman ez ziola aitortu dio Foruzaingoari. Era berean, gerrikorik ez zeramalako eta drogetan positibo eman duelako, 1.901 euroko isuna jarri eta gidabaimeneko bederatzi puntu kendu dizkiote.