Iker Espelosin zenari omenaldia eskainiko diote Sunbillan

Iker Espelosin zenari omenaldia eskainiko diote Sunbillan
Iker Espelosin txapel bat jasotzen, Jon Apezetxearen eskutik.

Txaruta pilota elkarteak antolatu du abenduaren 22an, afizionatuen arteko pilota partidekin eta afariarekin

Txaruta pilota elkarteak Iker Espelosin Goizueta zena omenduko du abenduaren 22an Sunbillan. Iker Espelosinek hamar urtez jokatu zuen pilotan Txaruta elkartean eta emaitza bikainak lortu zituen. Omenaldiaren barrenean, arratsaldeko 6etatik aitzinera bi pilota partida antolatu dira afizionatuen artean. Sarrera doan izanen da.

 

Gero afaria eginen dute Ulibeltzak elkartean. Abenduaren 19ra bitarte erosi ahal izanen  dira txartelak 20 eurotan: Fonda eta Bustitz ostatuetan eta Doneztebeko Titi ostatuan.

Menua hau izanen da: frijituak, arrain-zopa, ajoarrieroa, aratxe masailak, postrea eta kafea.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun