Donostiako Udaleko txistulariek, Jose Ignazio Ansorena Minerren zuzendaritzapean, ‘Symphonie de Nöels’ (Michel-Richard Dekande) eta ‘Eguberriko zazpi kanta’ joko dituzte. Mendi Ttiki eta Agorreta Musika Eskolako ikasleek, Ruth Etxebeste eta Itziar Irigoien eta Marta Uruñuelaren gidaritzapean, hurrenez hurren, ‘Ilargia’ (Juantxo Zeberio) eta Mi burrito sabanero (Hugo Blanco); eta txistulariek eta Jon Irazokik zuzendutako Mendi Abesbatzak, elkarrekin, ‘Tres motetes para o tempo de nadal’ (Julio Dominguez), ‘Pater Noster’ (Xabier Sarasola), Axuri Beltza (Javier Busto), 'Lurra' (Xabier Amuriza, Mixel Ducau eta Caroline Philips), Gabon Zaharrak (Jose Ignazio Ansorena), ‘Ya se van los pastores (herri doinua), 'Belengo portalian' (Balbino de Garitonandi, Bartolome de Ercilla) eta 'Olentzero' (Javier Busto) abestuko dituzte. Alicia Telletxea, Mañoli Apeztegia eta Xalba Arriola ariko dira bakarlari moduan.