Naroa Elizaldek ez du finalerdietan aurrera egitea lortu

Naroa Elizaldek ez du finalerdietan aurrera egitea lortu
Orbegozo eta Elizalde, finalerdietan.

Finalean promozio mailan Aldai eta Orbegozo lehiatuko dira; lehen mailan, berriz, Arrizabalaga eta Espinar. 

Amezketako pilotalekuan jende dezente bildu zen igandean, abenduaren 2an. Emakume Master Cup txapelketako finalerdiek erakarri zituzten ikusleak. Jokalarien artean izan zen Naroa Elizalde zubietarra. Oihana Orbegozoren aurka aritu zen, baina ezin izan zion aurre egin. 13-18 gailendu zitzaion. 

 

Hasieratik aurre hartu zion Orbegozok eta eginahalak eginagatik Elizaldek ez zuen mendean hartzerik izan. Dena dela, partida ederra eskaini zuten. Dagoeneko erabakita daude lau eta erdiko finalistak eta heldu den igandean jokatuko dira finalak, Azkoitian. Promozio mailan Aldai eta Orbegozo lehiatuko dira; lehen mailan, berriz, Arrizabalaga eta Espinar. 

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.

Izan zaitez harpidedun