Ibilbide ikusgarria
Ibilbide polita egin dute. Partida ikusgarriak eskaini dituzte. Bereziki azaroaren 17an, Lemoako pilotalekuan ikusmira handia eragin zuten Agirreren, Eizagirreren eta Elizalderen arteko partidek. Ikusleek emozioz bizi zituzten. Zubietarrak bat irabazi eta bertzea galdu zuen: 18-17 larri-larri gailendu zitzaion Naroa Agirre eta ondotik 14-18 irabazi zion Araitz Eizagirreri. Finalerdietarako txartelak tanto aldeari begira erabaki behar izan zituzten, eta horri esker sailkatzea lortu zuen zubietarrak.