Eta, horrez gain, bertze foru-dekretu bat onartu du «foru-erkidegoan Nafarroako kirolaren alde buru-belarri eta apaltasunez zuzendari- edo teknikari-lanetan ibilitako hamahiru pertsona zilarrezko dominarekin saritzeko». Sari horiek azaroaren 26an banatuko dira, 2018 Nafarroako Egunaren oroitzapenezko jardueren barruan.
Urrezko Domina Kirol Merituari, eremu horretako Nafarroako saririk garrantzitsuen
Gobernuak Koteto Ezkurraren (Doneztebe 1973) «lanbide-ibilbidea azpimarratu du. Erremontista profesionala izan da 28 urtez, eta modalitate horretan kirolari onena hainbat urtez eta historiako erremontista garrantzitsuenetako bat». Banakako 11 titulu eta bikotekako 3 titulu lortu ditu.
Gobernuak Javier Eseverri saritu du (Iruña, 1977), «23 urtez areto-futbolean jokatzeagatik, horietatik 20 goi-mailako kategorian, betiere Irurtzungo Xota kirol-taldearekin». Nazioarteko jokalaria izan da hainbatetan, eta ligako jokalari onena izendatua, bere postuan, 2006an.
Gainera, Gobernuak «foru-erkidegoan Nafarroako kirolaren alde buru-belarri eta apaltasunez zuzendari- edo teknikari-lanetan ibilitako hamahiru pertsona» zilarrezko dominarekin saritu ditu. Hauen artean ez dago eskualdeko bertze ordezkaririk.