08:00etatik 11:00etara autoen egiaztapenak eginen dituzte Santa Luzia plazan. 10:00etatik 12:00etara Ameztia karrikan kotxeak ikusteko aukera izanen da. 12:00etan zirkuitura joanen dira. Doneztebetik abiatuko dira. Saldias eta Beintza-Labaienen barrena, Orokietara eta buelta eginen dute. Eguerdian, berriz ere, Ameztia karrikan utziko dituzte autoak. Hala, goizean ikusteko tarterik hartu ez dutenek edo berriz ikusi nahi dituztenek bertaratzeko aukera izanen dute. 15:00etan zirkuitura itzuliko dira eta buelta egin ondotik, 18:00 aldera, eliz atarian bilduko dira, sariak banatu eta jasotzeko. Gauean afari irekia eginen dute eta nahi duten guztiek eman dezakete izena.