Urriaren 31 arte apunta daiteke Errekak antolatutako txapelketaren hamazazpigarren edizioan
Doneztebeko Erreka Elkarteak antolatutako Malerrekako XVII. eskuz binakako pilota txapelketan izen emateko epea zabaldu dute urriaren 31 bitarte. Heldu den urteko urtarrilaren erdialdera hasita, zazpi kategoriatan banatuak ariko dira pilotariak: benjaminak, alebinak, infantilak, kadeteak, jubenilak, bigarren mailako seniorrak eta senior elite.
Kanporaketa moduan jokatuko da txapelketa eta finalak otsailaren 23an jokatuko direla aurreikusten dute antolatzaileek. Izen ematea posta elektroniko bidez egin daiteke (salaae@gmail.com) eta izen emateko orrian, telefonoaren zenbakia eta posta elektroniko helbide bat jarri behar dira. Parte hartzeko federazio lizentzia eguneratua ere derrigorrezkoa da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.