erran.eus

Bidasoko Organoaren Eguna ospatuko dute urriaren 12an Donezteben

  Kultura  Malerreka  Doneztebe

Biharamunean Merkatari elkarteak hainbat ekitaldi ere antolatu ditu

Udazkena emankorra eta koloretsua heldu da Donezteben: hasteko, Bidasoko Organoren Eguna urriaren 12an eta Merkatarien ekimena urriaren 13an izanen dira. Gainera, asteburu osoan onddo dastatzea eskainiko dute herriko lau ostatutan.

Bidasoko Organoaren Eguna ospatuko dute urriaren 12an Donezteben
Mendi abesbatzak Iosu Larumbe organo-jolearekin eskainiko du kontzertua ortzirale arratsaldean. | Ikusi handiago | Argazki originala

 

Bidasoko Organoaren Egunari dagokionez, egitarau hau izanen da: ortziralean 11:00etan Iosu Larumberekin bisita gidatua Doneztebeko elizan dagoen Caivallé-Coll organoari. 17:30ean Herrigunean Haizea eta Ura dokumentalaren proiekzioa eta 19:30ean San Pedro elizan kontzertua (Mendi Abesbatza eta Iosu Larumbe organo-jolearen eskutik). 

Doneztebeko Merkatari eta Zerbitzu elkarteak urriaren 13rako hainbat ekitaldi antolatu ditu. Larunbatean 10:00etan dianak gaiteroekin; 11:30ean buruhandi eta erraldoien ibilbidea gaiteroek lagunduta. 16:30ean Bear Zana plazan herri-kirolak. Horretaz gain, erakusleiho lehiaketa ere antolatu da bertako denda eta zerbitzuen artean. Eta 18:00etan gaztain erreak eskainiko dituzte Santa Luzia plazan.

Aipatzekoa da asteburu osoan, urriaren 12tik 14ra IV. Onddo dastatzea eskainiko dutela Ameztia, El Café, Mikelo eta Maylin ostatuetan. Onddo pintxoak 2 eurotan izanen dituzte.

2018/10/12 11:00 - 21:00

Malerreka Doneztebe

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa