erran.eus

Ehiza Jardunaldiak urriaren 12tik azaroaren 30era ospatuko dituzte

  Gizartea  Malerreka  Donamaria

Bederatzi jatetxek parte hartuko dute Baztan-Bidasoa Turismoa Elkargoak antolatutako hogeita seigarren edizioan

Baztan-Bidasoa Turismoa Elkargoak antolatzen dituen ehiza jardunaldi gastronomikoak urriaren 12an hasi eta azaroaren 30era luzatuko dira. Halaxe jakinarazi dute urriaren 8an, astelehen goizean Donamariako Bentan egindako agerraldian.  Aurtengo edizioan 9 jatetxek parte hartuko dute: Bortzirietan, Aterpe eta Burlada Arantzan;  Palacio de Yrisarri jauregia Igantzin eta Etxalarko Herriko Ostatua. Malerrekan, Donamariako Benta eta Baztanen, Arizkungo Ordoki erretegia, Elbeteko Posada, Iruritako Olari eta Oronoz Mugairiko Urgain jatetxeak. 

Ehiza Jardunaldiak urriaren 12tik azaroaren 30era ospatuko dituzte
Donamariako Bentan egindako aurkezpenean, ezker-eskuin: Javier Villanueva (Pirineos Exdim), Belen Urrutia (Elbeteko Posada), Ruben Garate (Olari jatetxea), Carlos Lezeaga (Pirineos Exdim) eta Juan Antonio Prieto (Errotazar). | Ikusi handiago | Argazki originala

 

Berrikuntza bezala, aurten ehiza pintxoa eta Inurrieta ardoa 3,50 eurotan eskainiko dute Ordoki, Elbeteko Posada, Olari, Burlada eta Etxalarko Herriko Ostatuan, baita Iturengo Tresanean ere.

Pirineos Exdim eta ehiza produktuak komerzializatzeko bereziki sortutako PirynËes markaren bermea daramate Baztan-Bidasoko XXVI. Ehiza Jardunaldiek. Baita Inurrieta arnotegietako eta Berako Errotazar harategiarena ere.

Baztan-Bidasoa Turismoak jatetxe guztiak biltzen dituen kartela eta eskuorria argitaratu ditu. Eskuorri hauek, jatetxe eta turismo informazio guneetan eskuragarri egonen dira baita www.baztan-bidasoa.com web orrian ere.  Material grafikoko irudia iazko argazki sariduna da, Javier Salaverriak ateria. Irabazlea izanik, bere argazkia eskuorrian agertzen da eta bi pertsonendako menuaren irabazlea da.

 

IV. Argazki lehiaketa

Laugarren argazki lehiaketan parte hartu nahi duenak jatetxe parte-hartzaileetan otordua egitera hurbildu eta ehiza platerei argazkia atera beharko die. Gero, argazkiak info@baztan-bidasoa.com helbidera bidali. Irabazleak Baztan-Bidasoko jatetxeren batean 2 pertsonentzako otordua dastatzeko aukera izanen du.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa