Otorduak eta musikak ez dute hutsik eginen larunbatean eta igandean
Aitzineko urtetan bezala, aurten ere, iraileko hirugarren asteburuan motorren burrunbek alaituko dituzte Doneztebeko karrikak. Larunbatean10:00etan izena emateko aukera izanen da eta 11:00etan ibilbidea eginen dute. Ondotik, herriko ostatuetan poteoan ibiliko dira eta bazkariarekin borobilduko dute goiza.
Larunbat arratsaldean, berriz, motor-jokoak eta kontzertuak izanen dituzte. Mala Vela, New Straits eta Vane y su banda eta Dj Karmeloren musikak girotuko du herria.
Biharamunean, igandean, 10:00etan bilduko dira, ibilbideari ekiteko. Bueltatxoa eginda, 11:30ean, indarrak berreskuratzeko, gosaria izanen dute. Asteburua oparien zozketa eginez akituko dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.