Emilio Garciak irabazi du Nafarroako III. Mailako Aizkora Txapelketako finala

Ttipi-Ttapa 2018ko abu. 20a, 11:14
Emilio Garciak, Jacinto Etxekonanea eta Iker Gorritik mailaz goititzea lortu dute

Beintza-Labaiengo Jacinto Etxekonanea izan zen bigarren eta Iker Gorriti hirugarren

Ezkurrako plazan jokatu zen Nafarroako III. Mailako Aizkora Txapelketako finala abuztuaren 17an, ostiralean. Emilio Garcia Segoviarra izan zen garaile, 10:57 behar izan zituen bi 45 ontzako eta bi kanaerdiko ebakitzeko. Bigarren, berriz, Beintza Labaiengo Jacinto Etxekonanea izan zen (13:06). Minutu bateko aldea atera zion hirugarren izan zen Iker Gorritiri (14:06).

 

 

Lehendabiziko hiruak mailaz goititzea lortu dute. Laugarren eta bortzgarren izan diren Jaime Gorritik (14:45) eta Eneko Pagolak (15:26) berriz ez dute goititzerik izan.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun