erran.eus

Euskal Herriko hirugarren mailako aizkora txapelketako finalerako txartela lortu du Beintza-Labaiengo Jesus Etxeberriak

  Kirola  Malerreka  Beintza-Labaien

Bigarren izan da bere herrian, abuztuaren 5ean jokatutako kanporaketan

Euskal Herriko III. Mailako Aizkora Txapelketaren lehen kanporaketa jokatu zen Beintzako plazan abuztuaren 5ean. Hamalau aizkolari lehiatu ziren finalerako hiru txartelen bila eta horietako bat herriko semea den Jesus Etxeberriak lortu zuen, bigarren izan baitzen. Mikel Indakotxea zubietarra, aldiz, finaletik kanpo gelditu zen.

Euskal Herriko hirugarren mailako aizkora txapelketako finalerako txartela lortu du Beintza-Labaiengo Jesus Etxeberriak
Ezker-eskuin, finalerako sailkatutako hiru aizkolariak: Larrea, Etxeberria eta Gisasola. | Ikusi handiago | Argazki originala

Emaitzak:

1. Julen Larrea (Barakaldo, Bizkaia); 10:28

2. Jesus Etxeberria (Beintza-Labaien, Nafarroa); 10:39

3. Ioritz Gisasola (Mallabia, Bizkaia); 11:42

4. Beñat Lekue (Larrabetzu, Bizkaia); 12:07

5. Jaime Huertas (Gipuzkoa); 12:39

6. Manuel Fraile (Gizpukoa); 13:18

7. Borja Fernandez (Gipuzkoa); 13:44

8. Julen Aranberri (Zumarraga, Gipuzkoa); 13:54

9. Xuban Kañamares (Arostegi, Nafarroa); 13:56

10. Jon Esnal (Usurbil, Gipuzkoa); 14:10

11. Mikel Indakotxea (Zubieta, Nafarroa); 14:15

12. Aritz Oregi (Larrabetzu, Bizkaia); 14:22

13. Iñigo Landa (Zarautz, Gipuzkoa); 17:26

14. Xabier Gartzia (Dima, Bizkaia); 19:29

 

Lehen hiru saikatuek (Julen Larrea, Jesus Etxeberria eta Ioritz Gisasola) finala jokatuko dute, bigarren kanporaketan sailkatzen diren bertze hiru aizkolariekin batera.

 

Bigarren kanporaketa abuztuaren 26an Gorritin

Bigarren kanporaketa Gorritin (Nafarroa) jokatuko da abuztuaren 26an, eguerdiko 12:30ean eta bertan ondorengo 13 aizkolariak arituko dira: Luis Polanco (Araba), Jon Rodríguez (Araba), Juan Rodríguez (Araba), Hodei Ezpeleta (Bizkaia), Done Intxausti (Bizkaia), Daniel Lopez (Bizkaia), Esteban Muñiz (Bizkaia), David Naredo (Bizkaia), Jon Telletxea (Beintza-Labaien, Nafarroa), Eneko Saralegi (Leitza, Nafarroa), Goizeder Belza (Nafarroa), Aitor Urteaga (Gipuzkoa), Jokin Alkizalete (Gipuzkoa).

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa