Aritz Juanenea saldiastarrak aitzinera egin du buruz buruko txapelketareko txartel baten bila

Ttipi-Ttapa 2018ko uzt. 27a, 09:31
Deskargatu Info Ahotsak :
es en fr

Buruz burukoz jokatzeko urrats bat aitzinera egin du Aritz Juaneneak.

Garces-i 30-16 irabazi zion uztailaren 26an Galarretan

Buruz buruko Kutxabank txapelketan sartzeko lehian sartzeko segitzen dute erremontelariek. Uztailaren 26an, Aritz Juanenea saldiastarrak erraz menperatu zuen Garcés, 30-16 eta bertze urrats bat eman du txapelketa jokatu ahal izateko.

 

Juanenea jaun eta jabe izan zen eta hasierako 13-3kotik menpean hartu zuen Garcés. Aldeari eutsi ez ezik handitu ere egin zuen eta azkenean 30-16 irabazi zuen. Saldiaskoak 17 tanto egin zituen piloteoan eta bertze zazpi sakez.

Partida nagusiak, Uterga eta Barrenetxea IV.ak 40-35 irabazi zieten Urriza eta Ioni.

 

Uztailaren 26ko emaitzak

1. Beñat-Martirenak, 35; Barricart-Arruartek, 29

2. Urriza-Ionek, 35; Uterga-Barrenetxea IV.ak, 40

3. Segurola-Endikak, 35; Ezkurra II.a-Zubirik, 40

4. Juaneneak, 30; Garcések, 16 BURUZ BURUKO ATARIKOA

Kirola Malerreka Saldias

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun