FINALERDIAK
|
JOANEKOAK |
JOANEKOAK |
|
Irurita Miguelene – Doneztebe The Moment |
9 - 8 |
|
Doneztebe Avia – Arraioz Sagardia |
9 – 3 |
|
ITZULIKOAK |
ITZULIKOAK |
|
Doneztebe The Moment – Irurita Miguelene |
9 – 7 |
|
Arraioz Sagardia – Doneztebe Avia |
Igandea, 29–11:00etan |
ITZULIKO PARTIDA
Doneztebe The Moment: Pascual Vertiz – Julen San Miguel – Jokin Arraztoa – Javier Vertiz.
Irurita Miguelene: Xabi Barberena – Gorka Urtasun – Egoitz Prim – Jagoba Ramos.
Markagailua: 1-0, 1-4, 4-4, 4-5, 5-5, 5-6, 6-6, 6-7, 9-7.
Iraupena: 2 ordu, 15’
Joaneko partida bikaina suertatu baldin bazen, bigarren hau oraindik hobea. Seguru ikusle guztiek, bai alde batekoek bai bertzekoek, bai irabazleek bai galtzaileek ez dutela erraz partida hau atzenduko. Era guztietako jokaldiak ikusi ahal izan ziren: sake bikainak, ezinezkoak ziruditen errestoak, koartoek egindako gelditu hagitz zailak… Zortzi jokalariak ezin hobe aritu ziren. Kintze anitz ikusgarriak izan ziren, batzuetan pilota alde batetik bertzera airean joan zelako edo lurretik sekulako abiadura eman ziotelako. Eta hori gutxi balitz, emozioa, markagailuaren gorabeherak eta kanporaketa nork gaindituko zuen zalantza.
Kintze, arraia eta joko bakoitza azkena baldin bazen bezala jokatu ondoren, azken jokoa azkarrena joan zen, juxtu kanporaketa erabaki zuena. Baina Bear Zana plazan bildu ziren guztiek gutxitan bezala aldi berean sufritu eta disfrutatu egin zuten.
JOANEKO PARTIDA
Doneztebe Avia: Javier Almandoz – Asier Mutuberria – Jokin Apezetxea – Juan Telletxea.
Arriaoz Sagardia: Mikel Mindegia – Xabier Mindegia – Jon Gamio – Sergio Navarro.
Markagailua: 1-0, 1-1, 3-1, 3-2, 4-2, 4-3, 9-3.
Iraupena: Ordu bat, 45’
Hasierako berdintasunak partida luzea eta borrokatua izanen zela ematen zuen, baina bigarren zatian Aviak nagusitasun osoa erakutsi zuen. Kintzeak eta jokoak saketik dominatzen hasten zen, errestoan ere hobe aritu ziren eta bi koartoak maila onean. Baztandarrak berriz, pixkanaka itzaltzen joan ziren, gero eta maila eskasagoa ematen, ezin doneztebarren jokoari kontra egin.
Egia da emaitza honek pronostikoak doneztebarren alde jartzen dituela eta lehen aldiz finalean sartzeko aukera ezin hobea dutela, baina gogoratu behar da aurtengo txapelketan arraioztarrak beren plazan sendo ibili direla, gehien egin duen taldeak lau joko egin dituela. Baina oraingo hau gainditzeko ia ia mirari bat beharko dute. Soluzioa, igande goizean Arraiozko plazan.