Bazkariko txartelak Pepas kafetegian daude salgai, osteguna bitarte
Donezteben ekaineko asteburuetan mugimendua, gozamena, musika... bestari dagozkion osagaiak gailenduko dira. Joan den asteburuan Errekaren Eguna izan zuten, heldu den larunbatean Mourges etorbideko bestak eta hurrengoan Doneztebe Futbol Taldearen Eguna. Hilabete hondarrean izanen dituzten herriko bestetarako motorrak berotzen hasteko saioak bata bertzearen atzetik datozkie.
Larunbatean. 08:00etan abiatuta Bertizera joanen dira. 10:30ean xingar jatea izanen dute eta indarrak hartuta, 11:30ean kalejiran abiatuko dira. 12:30ean bermuta hartzeko geldialditxoa eginen dute, Pepas kafetegian. 14:00etan bazkaria izanen dute (Pepasen eros daitezke txartelak, helduek 12 euro eta umeek 7 euro ordaindu beharko dituzte). Bazkalondoan, jokoak, haurrendako jarduerak, toka txapelketa eta mus torneoa izanen dira.