Giro ederrean joan da XII. Errekaren Eguna Donezteben

Bizikletaz egindako Malerrekako Bira izan zen berrikuntzarik handiena

Ekaineko lehendabiziko asteburuan, Erreka Kirol Elkartearen hamabigarren edizioa ospatu dute Donezteben. Aurtengoan, Malerrekako Bira, 56 kilometroko bizikleta ibilbidea izan da berrikuntza nagusia.

 

Bezperatik mugimendua izan zen Donezteben, puzgarriak paratu eta ttikienen eskubaloi partidak jokatu baitziren. Afalondoan, 42 bikotek parte hartu zuten mus txapelketan. Iban Ezkurra ‘Tuli’ eta Iñigo Etxeberria suertatu ziren txapeldun eta 300 euroko saria jaso zuten, Manueltxo eta Ana izan ziren txapeldun orde (100 euro)

 

Egun handia larunbatean

Larunbateko Errekaren Egunari goizean goizetik probetxua ateratzeko, Malerrekan barna 56 kilometroko ibilbidea egin zuten bizikletaz. Pepas kafetegitik abiatuta, Legasa, Gaztelu, Donamaria, Oiz, Urroz, Labaien, Saldias, Eratsun, Ezkurra, Zubieta, Ituren eta Elgorriagatik igarota, berriz ere Donezteben helmugaratzeko.

Goizean gazteen arteko eskubaloia izanen da eta eguerdian judo erakustaldia izan ziren. Arratsaldea kadeteen arteko partidarekin hasi ziren eta senior eta beteranoen artean hiru talde osatu eta triangularra jokatu zuten. Tartean dantzariak ere aritu ziren. Trikitixaren doinupean poteoa egin zuten eta herri afarian 150 lagun bildu ziren. Afalondoak luze eman zuen eta Oharkabe taldearekin gaupasa ere izan zuten.

 

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun