erran.eus

XII. Errekaren Egunarekin sartuko dira ekainean Donezteben

  Gizartea  Malerreka  Doneztebe

Herri Afarirako izen-ematea maiatzaren 30era bitarte dago zabalik

Ekainarekin batera kirol hitzorduak izanen dira nagusi Donezteben. Izan ere, ekaineko lehendabiziko asteburuan, dagoeneko errotua den Erreka Kirol Elkartearen XII. edizioa dute. Egun handia ekainaren 2an, larunbatean, izanen bada ere, bezperatik hasiko dira girotzen. 

XII. Errekaren Egunarekin sartuko dira ekainean Donezteben
Ekaineko lehen ortziral arratsaldean puzgarriak izanen dira kiroldegi parean. | Ikusi handiago | Argazki originala

 

Egunari goizean goizetik probetxua ateratzeko, 08:30ean Malerrekan barna (errepidez) bizikleta ibilaldia eginen dute. 10:00etan gazteen eskubaloia izanen da eta eguerdiko 12:00etan judoa. Bien bitartean, esku pilota partidak izanen dira ikusgai, pilotalekuan. Arratsaldea kadeteen arteko partiduarekin gasiko dute eta ordubeteren buruan, beteranoak eta seniorrak ariko dira aurrez aurre.

19:30ean trikitixaren doinupean poteoa eginen dute, kiroldegitik abiatuta; eta 21:00etan Herri Afaria izanen dute: hasteko, txorizoa sagardotan, patea, salda, ajoarrieroa, txuleta, izozkia, kafea eta kopa. Maiatzaren 30a bitarte eman daiteke izena, Titi ostatuan 25€tan. Sorpresatxoren bat ere izanen dela aitzineratu dute. Eguna Oharkabe taldeak alaitutako gaupasarekin bukatuko dute.

 

Bezperatik ekitaldiak

Bezperatik mugimendua izanen da herrian. 17:00etatik 20:00etara puzgarriak izanen dira kiroldegi parean eta 18:00etan umeak eskubaloian ariko dira. Afalondoan, 22:00etan mus txapelketa izanen da. Irabazleek 300 euro eta bigarrenek 100 euro jasoko dituzte.

 

2018/06/01 - 2018/06/03

Malerreka Doneztebe

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa