Zalduarekin batera 35-29 irabazi zieten Goikoetxea V.a eta Arruarteri
18 urterekin debuta egiun du profesionaletan Eloy Garcia Otxandorena doneztebarrak. Maiatzaren 19an, Hernaniko Galarretan jokatutako estreineko partidan, Zalduarekin bikote eginez, 35-29 irabazi zien Goikoetxea V.a eta Arruarteri. Azken honek ere debuta zuen. Argazkiak: Maialen Andres
Partida berdindua eskaini zuten eta lauen artean, Eloy Garcia bera izan zen protagonista. Izan ere, 21 tanto egin zituen eta pilota bakarra galdu zuen. Ez dira nolanahiko zenbakiak, batez ere lehen partida zuela kontuan hartuz. Oraindik indarra falta du, baina pilotari pilotaria da eta gutti galtzen du.
Larunbateko jaialdiko partida nagusian, Josetxo Ezkurra II.a doneztebarrak eta Barrenetxea IV.ak 40-31 irabazi zieten Urriza eta Endika Urrutia saldiastarrari.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.