Baztan-Bidasoa Ehorzketa Zerbitzuek irekiko dute Aparan industrialdean 440 metro koadroko instalazioa
Baztan-Bidasoa Ehorzketa Zerbitzuak Donezteben ireki berri duen beilatokia inauguratuko du maiatzaren 21ean, astelehenean. Aparan industrialdeko 1-3 nabeetan egin dute beilatokia eta tokiko erakundeetako ordezkariei eta herritarrei egin diete joateko deia. 12:00etan eginen dute hitzordu hori, eta ekitaldiaren ondotik, aperitiboa eskainiko dute.
Egun horretan, arratsaldez ere zabalduko dute lokala, eta 16:00etatik 18:00etara edozeinek bisitatzeko aukera izanen du. Maiatzaren 22tik 25era ate irekien jardunaldiak eginen dituzte, 11:00etatik 13:00etara eta 15:30etik 17:30era.
Beilatokiak 440 metro koadro ditu eta Sunbilla, Malerreka eta Bertizaranako herritarrei zerbitzua emateko sortu dute, baita Bortziriak eta Baztangoendako ere. Harrera eta familientzako gelez gain, hildakoendako bi areto ditu, guztiz hornituak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.