Hiru ibilbide biltzen dituen mapa paratuko dute Zubietan

Hiru ibilbide biltzen dituen mapa paratuko dute Zubietan
Pablo Feo leitzarrak osatu du mapa.

Pablo Feoren mapari esker bisitariek Mendrasa, Aurkidi eta Sarekoa auzora ailegatzeko erraztasuna izanen dute 

Joan den urtean Metro Baserri izeneko proiektua baliatuz, Zubietako hiru auzo ezagutzera emateko mapa egin du Pablo Feok. Zehazki, Mendrasa, Aurkidi eta Sarekoa auzoak dira maparen bidez ezagutzera ematen direnak. Udalak maiatz hondarrerako paratzea aurreikusi du. Beraz, udan herrira datozen bisitariek herriko sarreran, autobus-geltokiaren ondoan izanen dute ikusgai.

 

Mapan proposaturiko hiru ibilbideek mendiek eskaintzen duten lasaitasun eta edertasunaz harago, herrian dauden interes handiko elementuak ezagutzeko aukera eskaintzen dute: errota, kisu labeak, monumetu megalitikoak, bordak...

Ibilbideen ezaugarriak bisitariek herrian pasa nahi duten denbora edota zailtasun mailara egokituak dira. Ameztia deritzonak, esaterako, 4,9 kilometro dituen heinean, Mendrasa eta Aurkidik 6,38 eta 9,8 kilometro dituzte, hurrenez hurren. 

Era berean, gainbehera, batetik bestera, aldakorra da: 155 metro ditu lehendabizikoak; 308 bigarrenak; eta 631 hirugarrenak.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun