erran.eus

Emaitza onak lortu dituzte Errekako judokek Nafarroako Kirol Jokoetan

  Kirola  Malerreka  Doneztebe

Apirilaren 28an Mendillorrin jokatutako txapelketan lau domina eskuratu zituzten benjamin mailan

Emaitza onekin bueltatu ziren Doneztebeko Erreka elkarteko judokak apirilaren 28an Mendillorriko kiroldegian jokatu ziren Nafarroako Kirol Jokoetako finaletatik. Benjamin mailako judokek konbate aunitz izan zituzten eta azkenean lauk lortu zuten domina.

Emaitza onak lortu dituzte Errekako judokek Nafarroako Kirol Jokoetan
Errekako benjamin mailako judokak, gustora lortutako dominekin. | Ikusi handiago | Argazki originala

 

Nesketan, Amaia Urrozek, lau konbate gogor egin ondotik, urrezko domina lortu zuen.

Bertze aldetik, Aimar Sanchezek ere urrea lortu zuen, ipponez konbate guztiak erraz irabazi ondotik. Zilarra Ander Larraburuk lortu zuen, lau konbateren ondorioz, poz pozik lehiatu eta emaitza arras onarekin bueltatu zen etxera.

Akitzeko, azken domina Julen Lazkanorentzat izan zen. Zazpi lehia izan zituen, aski gogorrak izan ere guztiak, baina aitzinetik zuen esperientziak eta entrenamenduak eman zioten merezitako domina.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa