Doneztebeko Ekaitza ostatuan, 09:30ean dute hitzordua. Bertatik abiatuko dira eta Legarrea zuloa ikusi ondotik, nahi dutenek Legasara jausteko aukera izanen dute; bertzeak, aldiz, autoz eginen dute buelta. Parte hartzeko baldintza bakarra euskaraz solastatzea izanen da; eta beraz, parte hartu nahi duen edonork izanen du aukera. 14:00 aldera Kattalin aterpetxean bazkalduko dute. Izen-ematea 610 920673 telefonora deituz edo solaslaguna@topagunea.eus helbidera idatziz egin daiteke.
Mintza Eguna eta ikasturtea agurtzeko hitzordua ekainean
Mendi itzuliaz gainera, udaberrian bertze ekitaldi batzuk ere izanen dituzte. Ekainaren 2an, larunbatean, Mintza Eguna izanen dute Hondarribian. Ekainaren 17an, berriz, igandean, ikasturtea agurtzeko mendi ibilaldia eginen dute. Bukaera borobila emateko Arantzatik Mendaurrera igoko dira, mintzakide eta mintzalagunekin batera.