erran.eus

Malerrekako Mankomunitateak euskara ikasle helduentzako diru-laguntza deialdia egin du

  Gizartea  Malerreka

Eskaerak aurkezteko epea irailaren 25ean akituko da

Malerrekako Mankomunitateak euskara ikasten ari diren helduei diru-laguntzak eskainiko dizkie. Bertzeak bertze, 2017ko urriaren batetik 2018ko abuztuaren 31ra arte euskara ikastaro estentsibo, trinko (aurrez aurrekoak zein on-line egindakoak) edo barnetegietan ibili diren langabetu, ikasle eta erretiro-pentsiodunek matrikula-gastuen %30a jasoko dute; gainera, eskatzaileek egoera ekonomikoaren arabera matrikularen %50 edo %80a berreskura dezakete.

 

Eskatzaileek guttienez 16 urte izan beharko dituzte eta Malerrekako udalerrietako batean erroldatuak egon beharko dute. Era berean, diruz lagundutako ikastaroan %85etik gorako joatea beharko dute (mediku kontsulten edo arauturiko azterketetara joatearen ondorioz justifikatutako hutsegiteak salbu). Diru laguntzaren oinarriei, zenbatekoari edo aurkeztu beharrekoari buruzko informazio gehiago nahi dutenek euskarazerbitzua@malerreka.infolocal.org helbidera idatziz edo 948 451746 telefonora deituz lortu ahal izanen dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa