Kartel lehiaketa
Udalak Herriko bestak iragartzeko antolaturiko kartel lehiaketarako deialdi irekia egin du, parte-hartzaile bakoitzak lan bakar bat aurkez dezakeela zehaztuz. Era berean, herriko izaera eta kulturaren ezaugarriak azaleratzea baloratuko duela adierazi du. Lanak A3 tamainan inprimatuta, udaletxean, aurkeztu beharko dira eta irabazleari kartela formatu digitalean ere eskatuko zaiola jakitera eman du (240ko resoluzioan, guttienez). Baldintzetan zehazten dutenez, lanak jatorrizkoa izan behar du, originala eta bertze inon publikatu gabea. Maiatzaren 11ko 14:00 bitarte aurkez daitezke. Objektibotasunez hautatzeko, sinadurarik gabe aurkeztu beharko da, egilearen izen-abizenak, posta elektronikoa eta kontakturako telefonoa gutun-azal itxi batean bilduz.Irabazleak 150 euro jasoko ditu eta epaimahaia Udaleko bestetako batzordeak osatuko du. Aurkezturiko lanen jabetza-eskubidea Udalaren esku geldituko da.
Txupinazoa
Bestei hasiera ematen dien suziria botatzeko hautagaia aukeratzeko proposamenak biltzen ere hasiak dira. Donezteben erroldaturiko 16 urtetik goitikoek aurkez dezakete proposamena (izen-abizenak, NAN zenbakia eta proposaturiko pertsona edo taldearen merezimendua adieraziz). Herritar bakoitzak proposamen bat aurkez dezake, udaletxean edo emailez (alkatetza@doneztebe.eus). Ekainaren 8a izanen da hautagaiak aukeratzeko azken eguna eta Bestetako batzorde irekiak izanen du azken hitza.