erran.eus

Zubietako Udalak Herriko Ostatua errentan emateko lehiaketa egin du

  Gizartea  Malerreka  Zubieta

Taberna, hostal eta jatetxe zerbitzuaren urteko errentaren hasierako prezioa euro batean paratu du

Udalak osoko bilkuran Herriko Ostatua errentan emateko lehiaketa publikoa egitea erabaki du. Kale Nagusian dagoen Herriko Ostatuan taberna, hostal eta jatetxe zerbitzuaren urteko errentaren hasierako prezioa euro batean (BEZik gabe) paratu du.Errentaren iraupena bi urtekoa da, kontratua behin betiko onesten den datatik kontatzen hasita eta gehiago luzatzeko aukerarekin. Eskaintzak apirilaren 12ko goizeko 11:00 bitarte aurkeztu beharko dira. 

Zubietako Udalak Herriko Ostatua errentan emateko lehiaketa egin du
Udal idazkaritzan edota www.zubieta.eus webgunean informazio zehatzagoa eskura daiteke | Ikusi handiago | Argazki originala

 

Lehiaketan ustiapen proiektua eta eskaintza ekonomikoa (gehienez ere 20 puntu); ostalaritzan izan duen esperientzia (gehienez 15 puntu); herritarra izatea (gehienez 15 puntu);  taberna, hostal edo jatetxe zerbitzuez gain eskainiko dituen zerbitzu osagarriak (asko jota 10 puntu); ostaturako proposatzen diren kultur ekintzak (10 puntu) eta lizitatzailea langabezian egotea (5 puntu) baloratuko dira. Era berean, behin-behineko fidantza 1.000 eurokoa izanen da. Xehetasun gehiago biltzen dituen baldintzen agiria, bai udal  idazkaritzan bai eta www.zubieta.eus web orrian ere, interesdunen eskura dago.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa