16:30ean da hitzordua eta sarrera euro bat ordaindu beharko da
Heldu den igandean, martxoaren 25ean, 'Tu mejor amigo' filma izanen da ikusgai Doneztebeko zineman. Erreka Guraso Elkarteak Doneztebeko Udalaren laguntzaz antolaturiko hitzordua 16:30ean izanen da, eta euro bat ordaindu beharko da. Bestalde, antolatzaileek elkarbizitza arauak errespetatzen ez dituzten ikusleak kanporatuak izan daitezkeela adierazi dute.
Sinopsia
'Tu mejor amigo' filma zazpi urtetik goitikoei zuzenduriko filma da, Lasse Hallströmen zuzendaritzapean sortua. Filmak Bailey izeneko zakur zintzo baten historia hunkigarria kontatzen du. Zakur horrek bere izate arrazoiaren bila dihardu, eta jabe batetik bestera aldatuz hiru bizitza bizitzen ditu. Azkenean gizakion bizitzetan aurkitzen du bere existentziaren arrazoia. Horrela bada, film honetan Bailey gizakiei maitatzen eta irri egiten erakusten dien zakurra da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.