Aunitz Eskuetan frontenis txapelketa bertsoen doinupean eginiko afariarekin borobildu dute

Ttipi-Ttapa 2018ko mar. 19a, 09:02

Esther Iriarte eta Alazne Aizpuru irabazleak, sari-banaketan

Emakumezkoen arteko lehia Esther Iriarte eta Alazne Aizpuruk irabazi dute. Gizonezkoen artean, berriz, Andoni San Martin eta Aritz Juanenea izan dira garaile

Martxoaren 17an Aunitz Eskuetan taldeak antolaturiko frontenis txapelketari bukaera eman zieten. Egun osoan mugimendua izan zen herrian. Ezkurra pilotalekuan partidak izan ziren goizean eta arratsaldean. Ondotik, triki-poteoan ibili ziren eta eguna borobiltzeko bertso afari-desafioa izan zuten Arantzokon. Aunitz izan ziren azkenengo partidak ikusi eta bertso afari-desafioa ikustea erabaki zutenak. 60 lagun bildu ziren afarian, eta Egoitz Gorosterrazu, Iker Gorosterrazu eta Josu Sanjurjo eta Bittor Elizagoien, Xabi Maia eta Alazne Untxaloren arteko bertso-desafioaz gozatzeko aukera izan zuten.

Nesken arteko txapelketa Esther Iriarte eta Alazne Aizpuruk irabazi zuten, Maria Larretxea eta Maider Goñi menderatuta (30-22). Gizonezkoen garaipena, aldiz, Andoni San Martin eta Aritz Juaneneak lortu zuten, Mikel Arregi eta Igor Arregiri 30-23ko aldearekin irabazita. Goizean, aldiz, hirugarren eta laugarren postuak jokatu zituzten. Maite Iriarte eta Miren Arretxeak irabazi zuten Oihana Mitxelena eta Nerea Telletxearen aurka (30-13). Gizonetan, Iñaki Oskoz eta Patxi Sarratea izan ziren hirugarren, Mikel Goñi eta Joseba Telletxea mendean hartuta (30-26).

Gizartea Malerreka

Erlazionatuak

Gizonezkoen sari-banaketa

Aunitz Eskuetan Frontenis Txapelketako finalak eta bertso afaria

Ttipi-Ttapa 2018 mar 19 Malerreka

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun