Hildako bazkideen omenez meza entzun ondotik Barrankan egin dute otordua igandean
Urtero bezala, aurten ere Arkupeak elkarteko herriko bazkideek Ezkurran bazkaria ospatu dute. Martxoaren 4an izan da eta hamabost lagun bildu dira. Eguerdian, elkarteko hildako kideen omenez meza entzun ondotik, Barranka ostatuan ederki bazkaldu dute.
Bazkalondoan, lehengo eta oraingo kontuez aritu dira.
Arkupeak elkartea 1986ko ekainean sortu zen, baina urtebete beranduago hasi omen ziren herriz herriko bazkariak ospatzen, orduko mila pezeta inguru ordainduz. Garai hartan, Ezkurrako delegatua Francisco Gorostiaga zela ere aipatu dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.