Emakumeak bakarka ez ezik, gizonezkoak binaka ere lehian ariko dira Urrezko binakako aizkolari txapelketaren baitan. Ugaitz Mugertza II.a mutrikuarra eta Joseba Otaegi zizurkildarra, Zumarragako Xabier Zaldua eta Zizurkilgo Jon Irazuren kontra ariko dira.
Bukatzeko, bi harriko harrijasotze txapelketan, Azkoitiako Jon Unanue ‘Goenatxo II.a’ ariko da, 175 kiloko errektangularrarekin eta 150 kiloko kubikoarekin, bina minutuko txandetan.
Igandean Zestoako Iraeta auzoan
Urrezko Binakako Aizkolari Txapelketako bertze jardunaldi bat urtarrilaren 21ean, igandean 17:30ean jokatuko da Zestoako Iraeta auzoan. Aitzol Atutxa II.a eta Julen Alberdi ‘Txikia IV.a’, Eneko Otaño eta Juan Jose Lopez Azpilikuetaren kontra ariko dira.
Errota Harria txapelketa ere jokatuko da Iraetan. Sei harrijasotzailek errota harriari aurre eginen diote, 109 kiloko harri borobilari, hiru minutuko txanda bakarrean. Zehazki, Jokin Eizmendi, Jon Gisasola, Imanol Albizu ‘Goikoetxe’, Xabier Peñagarikano, Beñat Telleria eta Inhar Urruzuna ariko dira.