Larunbat eguerdian elkartuko dira plazan
Malerrekako Euskara Zerbitzuak hilero antolatzen duen Malerreka Kantuz ekimeneko urteko lehen saioa Saldiasen eginen dute urtarrilaren 13an. Larunbat eguerdian bilduko da jendea Saldiasko plaza inguruan eta herriko kaleetan barrena kantu zaharrak abestuko dituzte giro ederrean.
Ondotik, hilabetero, normalean lehenbiziko larunbatean bilduko dira urte osoan, udan izan ezik: otsailaren 3an Sunbillan, martxoaren 3an Iturenen, apirilaren 7an Donamarian, maiatzaren 5ean Donezteben, ekainaren 2an Urrozen, urriaren 13an Zubietan, azaroaren 3an Oizen eta abenduaren 1ean Ezkurran.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
