Irune Izkue nagusitu zaio Maika Ariztegiri Emakumeen Urrezko Aizkorako lehen norgehiagokan

Ttipi-Ttapa 2018ko urt. 8a, 12:59
Irune Izkue ongi nagusitu da banakako Urrezko Aizkora lehiaketako lehen saioan.

Urtarrilaren 7an Deban (Gipuzkoa) aritu ziren

Elgorriagako Irune Izkuek aurreikuspenak bete eta Maika Ariztegi iturendarrari nagusitu zitzaion urtarrilaren 7an Deban (Gipuzkoa), Emakumezkoen buruz buruko Urrezko Aizkorako lehen jardunaldian.

 

Hasteko, aizkolari bakoitzak oin bateko enborra, 36 ontzakoa, moztu behar izan zuen. Lehen saio horretan Izkuek moztu zuen, hiru segundo aitzinetik. Ondoren, iraupen proba izan zuten, bakoitzak 45 ontzako bi enbor moztuz. Izkuek 6 minutu eta 44 segundo behar izan zituen eta Ariztegik 7 minutu eta 50 segundo. Beraz, bi lanak kontuan hartuz, Izkuek 8 minutu eta 47 segundo behar izan zituen guztiak burutzeko eta Ariztegik 9 minutu eta 56 segundo.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun