Mus txapelketa ere jokatu zuten eta ondorengoa izan zen sailkapena: Irabazleak Ines Obregozo eta Pattere Galtzagorri; bigarrenak Jose Migel Galain eta Joxe Mari Arretxea, hirugarrenak Meliton Irazoki eta Frantxisku Arretxea eta laugarrenak Eloy Gartzia eta David Mitxeo.
Bingoan aritzeko ere tartea izan zen. Bi txanda egin ziren eta irabazleak ondorengoak izan ziren. Lehen txandan, lerroa Julen Juankorenak egin zuen eta bingoa, berriz, Eneko Herrerak. Bigarren txandan berriz, lerroa Edurne Goñik eta bingoa bik egin zuten, Joseba Gartzia eta Josu Eletak. Zorionak.
Ondoren afari eder batekin eta Endara DJarekin akitu zuten denboraldi bukaerako eguna. Orain oporretan daude urtarrilak 9a bitarte. Urtarrilaren 10ean berriz egunerokotasunera bueltatuko dira.