Lehen finalaurrekoan izan zen ezustekorik handiena, Xanti Utergak 22-30 galdu baitzuen Barrenetxea IV.aren kontra. Bigarren finalerdian, gaur egungo txapelduna den Urrizak 30-19 irabazi zion Josetxo Ezkurra II.ari, nahiz eta doneztebarra 13-14 irabazten egon zen. Baina hurrengo hameka tantuak Urrizak egin zituen eta hor hautsi zen partida.
Txapelketako partiden aitzinetik, Doneztebeko erremonte eskolako bi bikoteren arteko partida jokatu da: Maylin eta Mindegiak 30-28 irabazi diete Jabalera eta Lazkanori.
Beraz, Eguberrietako buruz buruko erremonte txapelketaren finala abenduaren 29an, ortzirale arratsaldeko 6:30ean Iruñeko Labrit pilotalekuan hasiko den jaialdian jokatuko dute Urrizak eta Barrenetxea IV.ak. Final handiaren aitzinetik, binaka ariko dira Barricart eta Garcés, Eloy eta Azpirozen kontra.