Doneztebeko merkatari eta zerbitzu elkartea irudikatzen duen logoa aldatu dute

Ttipi-Ttapa 2017ko abe. 15a, 07:21
Aldaketarekin, denda edo zerbitzuak Donezteben kokatugatik, bezero gehienak Malerrekako herrietakoak direla argitu dute

1.000€ eta 800€ko erosketa txartelak zein Olatz Zugastiren kontzerturako sarrerak zozketatu dituzte

 

Doneztebeko merkatari eta zerbitzu elkarteak logotipoa aldatu du. Gaur, abenduaren 14an, aurkeztu du, Doneztebeko udaletxean, inguruan elkarlanean aritzen den hainbat erakunderen aitzinean. 2006az geroztik, hau da, merkatari eta zerbitzu elkartearen sorreratik, orain arte elkartea, ikastetxeko lehiaketa baten bidez hautatutakoak irudikatu du. Haatik, «gauden garaian gaudela, merkatari elkarteak aldaketa bat behar zuela ikusirik, modernoagoa den bat sortu eta ordezkatzea erabaki dugu».

 

Aldaketarekin, «Doneztebeko merkatari elkartea izanagatik, Malerreka, osotasunean, aintzat hartzen dugula jakinarazi nahi izan dugu. Gure bezero gehienak Malerrekakoak dira». Horretarako «orain arteko logoaren azpian zegoen 'doneztebarrak' hitza 'Doneztebeko' hitzarekin ordezkatu dugu, dendak Donezteben kokatuagatik, bezero gehienak eremu zabalagokoak direlako».

Bide batez, Eguberritako erosketa txartelak ere zozketatu dituzte. Lehendabiziko saria, 1.000€koa Eva Elizalde zubietarrarentzat izan da. 800€koa, berriz, Doneztebeko Anabel Saezentzat izan da. Azkenik, Olatz Zugastiren kontzerturako bortz sarrera bikoitzen saridunak ere atera dituzte: Itzar Petrikorena, Manolo Rekarte, Rosi Gortari, Juana Mari Burgete eta Itziar Juanikorenarentzat izan dira.

 

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun