Ortzirale arratseko 8etan hasiko den emanaldian sortu berri den Mendi Ttiki Abesbatza ere aurkeztuko dute Doneztebekoelizan
Doneztebeko Mendi Abesbatzak Eguberrietako kontzertua eskainiko du abenduaren 15en, ortzirale arratseko 8etan. Azken urte hauetan egin duen moduan, Donostiako Udalaren Txistulari Taldearekib elkarlanean eginen dute saioa, eta Agorreta Musika Eskolako ikasleek ere parte hartuko dute. Aurtengoan berrikuntza handia izanen dute: sortu berri den Mendi Ttiki Abesbatza aurkeztuko da lehenengoz kontzertuan, Ruth Etxebeste eta Itziar Irigoien zuzendari dituztela.
Errepertorioa anitza izanen da, hasieran tankera desberdineko hainbat obrarekin eta bigarren zatian Gabon Kanta goxoenekin. Baina horretan ere berrikuntza izanen da: obra batzuek abesteko, Mendi Abesbatza bi taldetan banatuko da eta horietako bakoitza bere onenak ematen saiatuko da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.