Gaur egungo txapelduna den Iker Vicente otsagabiarrarekin batera, eskualdeko Ruben Saralegi (26 urte) eta Jon Rekondo (32 urte) leitzarrek, Mieltxo Mindegia (36 urte) zubietarrak eta Joxean Etxeberria (22 urte) zigarrak lortu dute finalera sailkatzea. Lau kana-erdiko, 60 ontzako bertze lau eta bi oinbiko moztu beharko dituzte bortz finalista sailkatuek. Ortziralean 18:00etan hasiko da finala eta sarrerak egunean bertan izanen dira salgai, 15 eurotan. Hala ere, ez da arratsaldeko ikuskizun bakarra izanen. Aizkolarien ondotik, harri-jasotze erakusketa izanen da, Aimar Irigoienen eskutik.
