Horren sorkuntzak arte ikuspegiaren iraultza eragin zuen gizartean, «ordura arte, eskultura, arkitektura eta pinturara lerratzen baitzen artea». Iraultzaren ardatza burua astinduz aurkitutako gauzei ordura arte eman ez zitzaion zentzua eta erabilera ematean laburbiltzen da: «gauzok industrian edo egunerakotasunean erabiliak izaten ahal dira, egokituak ala ez, baina bere testuingurutik ateratzean, funtzioa aldatzean dago gakoa». Aurten hasi da Urtxulutegi halako proiektu batean: «betidanik gustatu izan zaizkit museoak eta eskulanak baina orain, bertzeen arrimuan, sortu zait honetarako aukera». Ordu luzez lan eginagatik, landatutakoaren uzta jasotzen ari omen dira dagoeneko. Irailaren 23an hasi zen erakustaldia, Zugarramurdiko Sorginen Museoan eta jende anitz hurbildu da geroztik. Guztiak «harrituta ateratzen dira». Eguberriak arte esku zabalik hartuko omen dituzte bisitariak.