erran.eus

San Migel ikastetxeko lau irakaslek aurkeztutako proiektua aurkezpen saioetarako aukeratu dute

  Gizartea  Malerreka  Doneztebe

Nafarroako eskola kontseiluak antolaturiko XX. berrikuntza proiektuen aurkezpen jardunaldietan, San Migel ikastetxeko Itziar Irigoien, Leire Mariezkurrena, Maider Irazoki eta Sara Gartziak “Robotak gure munduan” proiektua aurkeztu zuten. Deialdira Nafarroa osoko 80 proiektutik goiti aurkeztu ziren, eta 8 aukeratu dituzte, artean Doneztebeko San Migel ikastetxeko irakasleek eginikoa.

 

San Migel ikastetxeko lau irakaslek aurkeztutako proiektua aurkezpen saioetarako aukeratu dute
Leire, Itziar, Sara eta Maider, proiektuaren aurkezpenean | Ikusi handiago | Argazki originala

 

Bee-bot robotekin programatuz, hainbat dira proiektuak jorratzen dituen alderdiak: Hizkuntza komunikazioa, gaitasun digitalari, matematika gaitasuna eta zientzia eta teknologiari loturikoak. Proiektuaren izaera berritzailea Europako Agenda Digitalaren (‘Alfabetatze, trebetasun eta inklusio digitalak hobetzea’) lan ildoari jarraiki eraiki dute. Era berean, proposamenak pedagogia eta didaktikaren arloan Lehen Hezkuntzako lehenengo zikloan dauden esperientzia urriak osatzeko bideak urratzea du helburu. Ikasleak etapa horretan robotika eta pentsamendu konputazionalaren didaktikan trebatzen hasiak izaki, disziplinartekotasuna ardatz, sormen eta pentsamendu kritikoari heltzeko aukera ematen duen proiektua sortu dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa