Jubiloteka martxan da Ezkurran ere

Jaione Zabalo 2017ko urr. 17a, 15:55
Ezkurrako hamar lagunek eman dute izena jubilotekan. Argazkia: Jaione Zabalo

Asteazkenero hamar lagun biltzen dira ludotekan, 10:00etatik 12:30era

Donezteben, Zubietan, Sunbillan eta Ezkurran ere, Malerrekako Gizarte Zerbitzuen Mankomunitateak martxan jarri du Jubiloteka egitasmoa.

 

Ezkurrako jubilotekaren lehen saioa urriren 4an egin zuten, eta abendura bitarte luzatuko da, asteazkenero 10:00etatik 12:30era jubilotekan.

Ekitaldi bakoitzean bi arlo garrantzitsu lantzen dituzte. Hasteko, helduentzako gimnasiari eskaintzen diote ordu bat inguru eta, gosaldu ondoren, psikomotrizitate fina, memoria eta logika lantzeko zenbait ariketa egiten dituzte.

Hamar herritar apuntatu dira eta asko giro goxoa izaten dute.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun