erran.eus

Dantza luzea berreskuratu dute Zubietako Euskararen Egunean

  Gizartea  Malerreka  Zubieta

Mikel Indakotxeak ordubete eta 40 minutu behar izan zituen hamar kanaerdiko moztu eta Loitzateko atakara igotzeko

Berrikuntza eta erronka politak izan ditu aurten Zubietako gazteek antolatutako Euskararen Egunak. Azken asteetako entsaioen ondotik, larunbat eguerdian, Dantza Luzea berreskuratu zuten herriko 42 dantzarik. Mikel Indakoetxea Palaxiok, berriz, ordubete eta 40 minutu behar izan zituen hamar kanaerdiko aizkoraz moztu eta Loitzateko atakara joateko.

Dantza luzea berreskuratu dute Zubietako Euskararen Egunean
Berriz ere Dantza Luzea ikusteko modua izan dute Zubietan, Euskararen Egunaren baitan. | Ikusi handiago | Argazki originala

 

Ostiraleko pintxo lehiaketara hamar aurkeztu ziren eta Aratz Elizalde suertatu zen txapeldun. Ander Mutuberria, Sagrario Etxekolonea eta Maritxu Santxezek osatu zuten epaimahaia. Mus txapelketan, berriz, Francisco eta Jesus suertatu ziren irabazle.

Larunbatean, herriko eskulangileen lanak ikusteko aukera izan zen beste behin. Gazta eta urdaiazpikoaren pisua asmatzeko postua ere jarri zen eta aurtengoan, kalabaza ere izan zuten. Arantxi Diezek eskuratu zuen urdaiazpikoa, Ander Mutuberriak gazta eta Izaskun Santestebanek kalabaza. Goiz partean, Palaxioren erronka eta dantza luzea berreskuratzeaz gain, joaldunek ere egin zituzten beraien harat-honatak. Kantu bazkarian giro bikaina izan zen eta Azpeitiko trikitilariekin 80 lagun elkartu ziren.

Arratsalde eta gau partean ere giro polita izan zen.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa