Gaztetxo mailako finala igande arratsaldeko 4etan hasi zen. Oizekin Xuban Ilarregi, Mikel Mikelarena, Markel Leatxe eta Aimar Ariztegi aritu ziren eta Doneztebe B taldearekin David Mitxeo, Eneko Maylin, Ander Ruiz eta Erik Garcia. Oizek 9-5 irabazi zion Doneztebe Bri, baina, lehen jokoetan batez ere, berdintasun handia izan zen eta 4-5era bitarte doneztebarrak aitzinetik ere ibili ziren, baina azken bortz jokoak Oizek egin zituen segidan. (0-1, 1-1, 1-3, 3-3, 3-4, 4-4, 4-5, 9-5).
Gazte mailan oiztarrak errazago
Gazte mailako finala jokatu zuten segidan. Arraiozekin Eki Etxandi, Josu Etxandi, Urki Etxandi eta Mikel Organbide ariko dira. Oiz taldean, Ioritz Zelaieta, Aimar Saldias, Zorion Zelaieta eta Jon Oiarzabal ariko dira. Kasu honetan, beti aitzinetik ibili ziren oiztarrak eta nagusitasunez lortu zuten txapela (2-0, 2-1, 3-1, 3-2, 8-2, 8-3, 9-3).
Jende anitz izan zen plazan eta giro ezin hobea. Txapelak eta trofeoak banatzen Nerea Telletxea Doneztebeko udal zinegotzia eta Rufino Polido, Nafarroako Pilota Federazioko kidea izan ziren.
Txapelketari bukaera emateko, pilotari, guraso eta zaleak merendu-afari batean elkartu ziren.
