Gaztetxo mailako finala igande arratsaldeko 4etan hasiko da. Oizekin Xuban Ilarregi, Mikel Mikelarena, Markel Leatxe eta Aimar Ariztegi ariko dira eta Doneztebe B taldearekin David Mitxeo, Eneko Maylin, Ander Ruiz eta Erik Garcia.
Txapelketako zortzi taldeek bi multzotan banatuta jokatu dute lehen faseko ligaxka. Multzo bakoitzean bi lehenbiziko sailkatuek jokatu zituzten final erdiak. Oizek bi partidak irabazi zizkion Irurita C-ri (1-7 eta 7-2). Doneztebe Bk lehen partida erraz irabazi zion Doneztebe Cri (7-2), baina bigarrena galdu arren (7-6), joko aldeari esker sartu da finalean.
Gazte mailan Arraioz eta Oiz
Gazte mailako finala igande arratsaldeko 5:30ean hasiko da. Arraiozekin Eki Etxandi, Josu Etxandi, Urki Etxandi eta Mikel Organbide ariko dira. Oiz taldean, Ioritz Zelaieta, Aimar Saldias, Zorion Zelaieta eta Jon Oiarzabal ariko dira. Kategoria honetan bortz talde aritu dira eta ligaxkako bi lehenbizikoak sartu dira finalean. Ligaxkan, elkarren arteko partidatan bana irabazi dute Arraiozek (7-4) eta Oizek (7-1), bakoitzak bere plazan. Orain ikusi behar Bear Zanako plaza “neutralean” zer emaitza lortzen duten.
Nahiz eta orain arteko partida 7 jokotara jokatu, finaletako bi partidak 9 jokotara izanen dira.